كثرت الجفا يا ولف بتوَّلد الأحزان
وروحي بروحك سوا من زمان علقانة
ما عاد ألي جلد أصبر على ألغفران
صارت حياة شقى والروح تعبانة
لو كان قلبك صخر مصنوع من صوان
ارحمي عيوني لي على صورتك سهرانة
شو نفع مال الدني لو كان بالأطنان
والعين لي فيها انت بالدمع غرقانة
ساعات
ساعات بهرب لحالي وبقصد الوديان
تاحاكي غصون الشجر عن سر احزاني
ساعات
ساعات بوعي الأهل والنَّاس والجيران
تايبكوا معي للصبح عفراق خلّاَني
ومازال عندك قلب ! وبتعرفي العنوان
بعدو عزات الدرب موجود عنواني
حَلّوُ بقى ياولفِ ترجعي عالبنان
تُوفْي بوعدك ألي وتكوني لبناني
ولي بتخون الخبز والملح والتحنان
بيكون قلبها حجر مش قلب أنساني
هشام بركة
ليست هناك تعليقات:
إرسال تعليق