دنيا دوارة
وناس غدارة
لسانهم حفارة
قلوبهم مكارة
بيضحكوا بحلاوة
ويبصوا بعداوة
وبتيجي الايام تفضحهم
وبتكشف شر نواياهم
والخبث المخفي جواهم
الدنيا تعاشرها وتغدر بيك
والناس بتآمنها وتلف عليك
بالحب اعاملها
بالصدق اسايرها
بالخير آماشيها
وبتكرهك ما اعرفش لية
مش عاوزة الا الشر ليك
ياخسارة ياخسارة
مابقلش عليهم ياحسافة
ولا حتآلم
ولا بتندم
على ناس حثالة وجيافة
دول دايماً زي الارض
ومكانتهم تحتين رجليا
ولو هما طول فعرض
مش حيساوو رمش عنيا
لو ظلوا دايماً نكدي
مش حتآثر بعمايلهم
مابشلش عليهم حقدي
بضحك واتسلى بيهم
وبخبي اللي جواتي
وارفع لله شكواتي
وحمد ايديا الى السما
ارفع بظلمي للربنا
وهو وحدة حينتقم
منهم وينصفني انا
#عبدالرحمن المغنجي
ليست هناك تعليقات:
إرسال تعليق