---==0==--- عيونك المعبد ---==0==---
~~~~~~~~~~~~~~~~~~~~~~~~~~
وقف القلب واحتار لمين يتعبد
---==0==--- يسجد لكحل العين او يدخل المعبد
وقف للحظة وقال هون احسنلي
---==0==--- الروح وحدا هيك للخالق بتصعد
معبد عيونك رجا مابيعرف الملة
---==0==--- يمكن بدين جديد هالقلب يسعد
فيكي بهمسة حب هالقلب تحتلي
---==0==--- وحرف الغزل موجود عالعقد يشهد
وسافر انا والشوق رافقو برحلة
---==0==--- والقلم يرسم غزل عالمتلك تعود
وانتي تقولي صعب كتير توصلي
---==0==--- يلح القلم يكتب والعزم يتجدد
وقلو انا ياريت بالشعر تشرحلي
---==0==--- يقلي انا خايف هالحرف يتعقد
معليش حاول قول شو العلة
---==0==--- يقلي جمالا ندر بالعالم تفرد
ياريت لو بالحلم عالقلب بتطلي
---==0==--- كنت كتبت عالحظ هالفرح غرد
ياحلوتي معليش فوتي سوى نصلي
---==0==--- بلكي عند بوذا بالعمر نسعد
او طاوعي هالقلب قومي معي فلي
---==0==--- نكتب عاخد الريح هالعشق شرد
~~~~~~~~~~~~~~~~~~~~~~~~~~
صباحكم صلاة عشق اصدقائي
.....................................
( من وحي الصورة )
ليست هناك تعليقات:
إرسال تعليق