الشاعر حلمى سلامه

امتى بقى يجى الفرج
نفس السؤال عمال يدور عالاجابه مش لاقيها
تاهة مابين موت الضمير والفهلوه
واللى بيسرق حقنا كان مننا
هات المسله وخيط الجرح الغويط
وانامش حبص نحيتك
علشان محسش بالالم حعمل عبيط
واغمض العين اللى تايه منهالون الفرح
واحول احلم بالبراح
يمكن اشوف فى الحلم ضحكه
انامن زمان عايش الملم فى الجراح
بس القلوب مليانه خوف
يادى الظروف اللى بقت شماعه داخل كل واحدمننا
تضرب وتكسرحلمنا
ااااه ياانا
انامش انا اناكل واحدمننا
اوزينا عايش فى دور المسكنا
ومدام رضيت باللى انت فيه
مبروك عليك التنبله
والبهدله حتكون لمين
والحزن سارح فى السنين
عمال بيحصد كل ضحكه فوق وشوش الغلبانين
وعشان تعيش لازم يصيبك جرحهم
وتقول امين على غدرهم
وتلجم البق اللى عمره فى يوم ماقال غير الاهات
والعمر فات ونفس السؤال واقف فى حلقك
عمال يدورعالاجابه مش لاقيها
امتى بقى يجى الفرج
حلمى سلامه