الشاعر .. حسام العراقي

لتصاحب حزين وانت عازف ناي
لان من تعزف انته تهيج جروحه
ولتصاحب حرامي وانت بكت الليل
بكت الليل منه ودمرت روحه
ولتحاول تجيب الفاس للبستان
ترة القداح يبجي وينكتل فوحه
ولا تطعن شريفه وتحجي للناس
حرامات الشريفه تعيش مفضوحه
لا تبجي دمع فوك الورود تموت
لان يكتله دمعك مره الملوحه
وبالك لليتيم تسمعه كلمة عيد 
كلمة عيد تكتل يعني مرجوحه
ولا تجرح مشاعر شاعر يخليك
بين ابيات شعره الذمه مسموح