أغـنـيـة .. أجـمـل أحـسـاس
*****************
قلبي عم يرجف والرجفِة
دقّاتو عم تصرخ اخفي
دمعات الفرحة ما بتكفي
تا توصف اجمل احساس
كلمة تتشردق عالشفِّة
بحضنك كوني صاير نتفي
اغمرني ع صدرك تا اغفي
واتنفس اجمل انفاس
بهالليلة بغمرة خبّيتك
اهمس للدنيي حبّيتك
جوا قلبي الصادق بيتك
فرحانة حوالينا الناس
بحبك رح يبدا مشواري
ليلي انت وشمس نهاري
عم تتفتّحلك ازهاري
يا ربيعي بحطك عالراس
عم اتلبّك سامحني
هالرقصة عم بتسوسحني
دفّيني بحضنك ريّحني
واغمرني قدام الناس
بحبك عم ياخدني سحرك
ع مطارح مليانة عطرك
موج عيوني شايف بحرك
عم يبني حجار الأساس
بهالليلة بغمرة خبّيتك
اهمس للدنيي حبّيتك
جوا قلبي الصادق بيتك
فرحانة حوالينا الناس
بحبك رح يبدا مشواري
ليلي انت وشمس نهاري
عم تتفتّحلك ازهاري
يا ربيعي بحطك عالراس
كلمات والحان .. طلال حداد
روعاتك جميلة جدا سلمت اناملك ودام نبض قلبك واحساسك الراقي
ردحذف