الشاعر جول جمال

الشام) وجودي مقابل وجود الخليقة
مدوا اليد وإنغلت لعنقي.............ماعندي لا رفيق ولا رفيقة
ياشام الجريحة ضاق خلقي......وجرحي مثل جرحك بالحقيقة
عذريني شوي بحياتك ت نقّي...بلكي, بيطلع من الحوض باقة
كل الورد إنتِ بتستحقي...............لكن الدود عاثي بالحديقة
وصار الورد يبكي ودم يسقي..ورشرش كل أحواضي العتيقة
مابتشّكي ولا مرّة بصدقي.........أنا إبنك وأنتي  مش صديقة
حانوني كثير أنتي لاترقّي........الخانوكي من ولادك يارقيقة
حْرقي وراقهم مزّقي وشقي.......حرميهم من حنانك والوثيقة
بٌقّي هالحقيقة عاد بٌقيّ.............لنخلص من مراض الشقيقة
ويشقى العالم وأنتي لاتشقي......وشعبنا صار بدوا هالحريقة
ياأمي أنا مهدور حقي ............متل حقك بين ساعة ودقيفة
.قولي الحق عندك لا تبقّي........بلكي بتوجدي عندك طريقة
.قااااااالتيلي أنا شام العروبي.....وجودي مقابل وجود الخليقة
جول جمال