الكاتب والشاعر: ذوالفقار الحلي

شعر شعبي عراقي
...
واذا سألوك عني قل لهم
..
..
عايش بنص الخير من فاركته
عايش ولكن ميت امن السكته
دزيت مرسالي ووصله وياحيف
مارد علي من حقه انا الكاتلته
من حقي اغار اعليه جي دم محبوب
هيه الصراحه اني الجنت خانكته
انسان طيب ينعشك حد الروح
ماخسر هوه واني وحدي اخسرته
مثل الورد ينشم ابموسم الزهور
زهرة حياتي الجان ابد ماصنته
اتناكر اويا كل صباح وكل ليل
كلبه الكزاز امن الالم كسرته
يشعلي اصابع شمع واني اطفيه
واني الانسانه الماعرف ماضيه
جانت اهواي اشياء عنه اخفيه
جي نيتي جانت سوء من عاشرته
شاتلني ورده بكلبه ويحبني هواي
ورده وياحيف ابكلبي ماشاتلته
انسان جان امن الخجل ينكط ماي
ومن الخجل يوكعلي شط من كصته
اني الخسرته اتندمت كلش حيل
عايش بنص الخير من فاركته
..
الكاتب والشاعر: ذوالفقار الحلي