عيد الحب اجة بس شأجة وياه
خيالك والمدامع والمشاكل
يكلي طير و أنة جناح مكسور
وريشات الجنح فوكاها شاكل
حسرة بكلبي ظلت تاكل لهل يوم
كضيت وحسرتي ليهسة تاكل
اشوف الناس تارسها الفرح ثوب
وانة غير الحزن ماعني سائل
جنت اتسودن اذا ما شفتك أحتار
واظل مسودنك لو حتة عاقل
لبست من الزغر شماتي اهات
مثل مضروب جيلة وهوة غافل
ينصبلي العزة كل أحمر الكاه
كرهت الحب وأبد ماراح اجامل
بجرحة يبتلي لو حتة ما مصيوب
الفارغ جفة من زهر المشاتل
عشكتك عشك ما معشوك شكاي
عشك فلاح لو طر السنابل
لكن وسفة ما مكتوب إلة يدوم
انذبح يوم الحصاد بضم مناجل
وكح يشباط ذكرة اربعطش بيك
تنزل ناس بس ترفع منازل
تخضرها الحدايق خيريك يزيد
وتيبس لو ردت سيل الجداول
أ. الشاعر جبار الشمري
ليست هناك تعليقات:
إرسال تعليق