اكون بحلم
واتاري الفرحه كرهاني
ووخداني لطريق مسدود
بإن الحب كان بينا ملوهشي حدود
وان قلوبنا مشتاقه ليوم مو عود
ضحكنا كتيروف قلوبنا غرام مشهود
وقولنا الدنيا نسيانا
وقولنا الفرحه مرسانا
واتاري الدنيا وخدانا لطريق مسدود
اكون بحلم
بإن القلب كان شاري ماكان بايع
وان العمر من بعدك كمان ضايع
اشكي لمين ياروح قلبي قدرمكتوب
اشكي لمين وكان كله
ف احلامنا كلام محسوب
نسينا بان دنيتنا ف لحظه تخون
وإن احنا من الممكن ف لحظه نتوب
اكون بحلم
بإن القلب راح يبكي عليكي سنين
وهقضي العمر ياحبيبتي عليكي حزين
وهنسي بإن دي دنيا وهنسي باننا عايشين
لان العمر من بعدك ملووش معني
وان الضحكه في بعدك بكي وانين
ومش عارف ايه اخرتها وريحين فين
يبان الصبر في سكتنا نقول قادرين
اكون بحلم
بإن احنا نكون تاني لبعضينا
ونكتب ف الهوي مره اسامينا
ونرسم ع القلوب شمعه
تنور ليل امانينا.....وننسي اننا تهنا
وان الدنيا دي لينا
اكيد اكيد بحلم
ليست هناك تعليقات:
إرسال تعليق