ابدء بسم الله الرحمن الرحيم
السلام عليكم ورحمة الله وبركاته
قصيده بعنوان
( الحريه)
لو كل حاجه تحبها
تقدر تقاوم سحرها
تلقي النجاه
والحمل لو زاد ع الكتاف
اوعاك تخاف
ومهما عشت سنين عجاف
متقولش آه
هو ايه معني القدر
انك تطلب الحياه .
وأنت مكتوب لك تموت
وأنك مهما قلت لا
المرض جوه الجسد
مش راح يفوت
جرب تعيش وسط النبات
اطرح سنين العمر اللي عدي
م العمر اللي باقي
تلاقي حبة زكريات
متخزنه في بحر السكات
انت اللي عارف سكتك
ولحد فين راح توصل
لما تفارق دنيتك
عملك هو اللي راح يفصل
وتواجه مصير العمر اللي عدي
قبل الممات .
المشكله في شيل الأمانه
أصل كل الدنيا رفضت حملها
حتي الجبال
وانت جهلك توهك عن أرضها
والبخت مال
فتش في ذاتك عنها
فك الحبال .
تلقي كل الهم ذال
ايمن ابويوسف
ليست هناك تعليقات:
إرسال تعليق