دا كلام إعلام وياما
قالوا
عملوا إيه للغلابة
عملوا إيه للفقير
خلوه كاره عيشته وحاله
أسعار نار وعيشه مرار
والفقير قرب يبيع عياله
عشان الدخل مش كافى
لا عارف يعيش هو ولا
أمثاله
مستني يشوف وعد الكبار
ليه
يمكن يصدقووا مرة
ويعملوا حاجة عشانه
ويلاقى منهم إهتمام
بس مش واضح ولا باين
لأن الفقير ديما على الكبار
هاين
ولا ليه عندهم لازمة
مع إنه بيكون الأساس
وقت الشدة والأزمة
وصعب يتغطى وينام
ولا يهرب ويقول خليني
فى حالى
كفاية عليا الولاد والمدام
دا كلام إعلام
بيقولوه أصحاب المصالح
وقت المصالح
عشان يحصل بينهم وبين
الفقير انسجام
ولما تخلص المصلحة
الكل يرووح ينام
هو دا الحاصل بس يا ريتك
يافقير تتعلم ولا تديش لكلام
الإعلام أى إهتمام
أنت كدا كدا فقير يعنى
على الفقر متعود
وطول عمرك ورا مش قدام
بلاش تصدق وتتعشم
إنك هتلاقى من الكبار
أى إهتمام
أنت أصلا عندهم مش
محسوب
كمالة عدد يادوب
وبيقولوا عنك فلاح متخلف
وكمان جاهل
ولا لكش عندهم أى إحترام
هيحترموك ليه وعشان إيه
وأنت فى نظرهم قذم من
الاقذام
حياتك كلها مهلهله وشبعان
بهدلة
وبعدين هما قالوها زمان
إحنا الاسياد
وكان برده فى الإعلام
يعني كلامهم الحلو
ليك فنكوش
وضحك على العقول
وكله كلام إعلام
مشهد فى فيلم مش
أكتر
ومفيش أكتر من الأفلام
فيلم أكشن فيلم رمنسي
فيلم كوميدي فيلم
بلطجة واحترام
وكل فيلم ليه وقت ومعاد
أهم شئ إللى شاف الفيلم
كام
يا عم الفقير أنت عايش
فى زمن فيه المزان مقلوب
ومايل
والحق بقى فيه باطل
والباطل بقى هو الحلال
حقك قدام منك مسروق
ومنهوب
ولما تقول حقى
تبقى للعدالة إللى مفصلنها
على كيفهم مطلوب
خليها على ربك هو قادر
يهدى ولاد الحلال
من إبداعات
الشاعر
طه الروبى
ليست هناك تعليقات:
إرسال تعليق