الشاعر ،، شعيب صالح المدكوري

صْبَاحْ رْبَاحْ
**********
مَ زِنُو صْبَاحْ
نْهَارْ دّرْبَاحْ
لْگَلبْ فِيهْ يَرْتَاحْ
بِذِكْر خَالْقُو يَا صَاحْ
ؤُ اِفُوزْ بَ نْجَاحْ
اِ كُونْ مَنْ سَالْمِينْ
خَلِّ رُوحَكْ وَسَطْ لَرْوَاحْ
جْمَاعَةْ لْخِيرْ ؤُ صْلَاحْ
ضَوْهُمْ قَنْدِيلْ مَصْبَاحْ
اِمْشِيوْ بِيكْ فَ لَفْلَاحْ
لَا تْعَاشَرْ دُوكْ لَقْبَاحْ
تَصْبَحْ مَنْ نَادْمِينْ
دَنْيَا اَخُويَا كِفَاحْ
فِيهَا خْسَارَا ؤُ رْبَاحْ
شَّرْ يَجْرِي بِ رْيَاحْ
اِبْلِيسْ فِيهَا دَبَّاحْ
تَسْمَعْ غِيرْ صْيَاحْ
نَاسْ مَظْلُومِينْ
يَا رَايَحْ فِيهَا سَوَّاحْ
يَا طَارَحْ فِيهَا طَرَّاحْ
يَا لْمَادَحْ فِيهَا مْدَاحْ
جَاي نْهَارْ فِيهْ تْلَاحْ
تَصْبَحْ مَنْ لْمَيتِينْ
***************
شعيب صالح المدكوري