ما عاد تسألني عن قلبى
بتسألني عن قلبى
وأحواله وأفراحه
عشان كام بسمة
فى عيونى
ولمعة نور كدا لاحو
ما عدتش الجراح بتمر
ولا شوفت اللى يوم راحو
ولا شوفت الهوان والمر
متعلقين حدا جناحه
يدوب شوفت
الطيور بتطير
وبتعلى فى سماها كتير
فكرت أن ليها سمير
وأحبابهم هنا ارتاحو
متعرفش اللى جو الروح
مخبي البسمة فى جراحه
وبيغنى لكل الناس
كأنه شعاع أمل حساس
وساب الليل مع المواويل
بتشرب دمعه ونواحه
ما عاد تسألني عن قلبى
ولا عن حزن متخبي
انا لملمت كل الويل
ما سبت شراعي لرياحه
وعديت البحار والنار
وقفلت عليه بألف جدار
وكمان ضيعت مفتاحه
بقلم الشاعر رمضان بقشيش
ليست هناك تعليقات:
إرسال تعليق