الشاعرالغنائي مصطفى عبده

قوووول  ..  جديييدك
واما تقرا
ابدي   اعجابك  لغيرك
بس صون الكلمه عنده
هو ده وحده يفيدك
قوووووول
قول جديدك
مش تاليف
مش مشاعر
مش ابداعات  القصص
هي اللي تخليك شاعر
لو لغيرك
تنطق الكلمه تقولك
فين ضميرك
في كام  مليون  شاعر
لملموا قبلنا
كل حكايات
القصايد و  الاغاني
دوبوا فيها المعاني
خلوك  لما  تسمعها
تسقف مش تسخف
الحكايه باختصار
ازاي تفرش الحب في نهار
ازاي تعرف الليل و اسرار
ازاي تلمس السحاب بايدك
وانت ماشي
تبكي تضحك
يتخلق دم في وريدك
قوووول    جديييدك
واما تقرا
ابدي   اعجابك  لغيرك
بس صون الكلمه عنده
هو ده وحده يفيدك
قوووووول
قول جديدك
الشاعرالغنائي
مصطفى عبده