■ أبيض وأسود ■
□□□
هي
الحياة هكي
أبيض وأسود
يوم للفرح ويوم تبكي
هي الحياة هكي..
□□
يوم
لافوق
فوق بالعلالي
ويوم
تلقاني
موخر تالي...
ويوم ياصاحبي الجيوب خوالي
ويوم نفرح بيه بونياب مجالي
ويوم حوام بحزن فراق غوالي
□■□
ماهو
جديد عليها
دنيتي بأماليها
فيه من يبتسم منهم وهو يبيها
طيحة عدوك ليك يهاتي بيها...
وفيه من يحزلك ودمعته مواريها
وأنت متكابر نظرتك للسما معليها
□■□
البياض
وايش رينا منه
والسواد بشمعته زاد محنة
يابخت حسبتك تتعدل جنة..
لقيتك ضربة غدر لي موتيها
□■□
اوقات
ياما كان
زاهي بالي
بصحبة أمينة الحزام جلوالي
شايلة همي مانسيتها من بالي
كما شمعة مضوية ليا بيها....
□■□
يا السمرا
السامرة بسمور
كماعيون وصيفة حور
أنت شراعها مركبي ليا كنت
وانت دفة غلاي علي ماهنت...
ومركبي بشطك بالحب رسيتها
الشط
مو صلناه ..
ولا الزهاء ياغالية ريناه....
ولا لغيري القلب سكنتي..
لايوم عني تباعدتي ولاهنتي
ولمن بالله ياغالية خليتني..!!
كما عروس زفوها بعيد علي اماليها..
□■□
قالوا
ليش حب السمره
وياما وراك زينات بيضا وحمره
عفسة الثلج ماعادلتها يوما جمرة
لو جربوا نار غلاها والبعاد عليها
□■□
ياشمعة
يسد ماتذرفي...
ماعاد نبي ضي هي خليني
بعدما غيبة نور الصبي لعيني
هي طبيبي كانت طول سنيني
وفريها دموعك و لوعتي حسيها..
----------------□ شرف الدين العلواني
ليست هناك تعليقات:
إرسال تعليق